Landráðamenn allra flokka sameinast !

Er það raunverulega svo, að þessu landráðahjali um innlimun landsins í Evrópusambandið (ESB) eigi ekki að linna ? Eru predikarar Andskotans (ESB) ekki að verða saddir lífdaga ? Þarf þjóðin að losa þessa menn við hausinn á sér, svo að þeir þagni ?

Hvaðan kemur þessum landráðmönnum umboð, að véla um fullveldi okkar ? Er ekki málið dautt innan allra stjórnmálflokka nema Samfylkingarinnar ? Hvað er Gylfi Arnbjörnsson stöðugt að skipta sér af málum, eins og hann sé einhver yfir-kommissari ? Núna síðast var hann að senda Alþingismönnum tóninn, þar sem þeir breyttu ekki Stjórnarskránni, svo að landráðin yrðu þægilegri fyrir Gylfann.

Eins og flestir þekkja, var innganga okkar á Evrópska efnahagssvæðið (EES) 1994 ein af forsendum efnahagshrunsins. Án aðildar að EES hefðu bankarnir ekki átt möguleika að belgja út efnahagsreikning sinn. Án aðildar að EES hefði Landsbankinn ekki getað stofnað til Icesave reikninganna. Án aðildar að EES værum við ekki leiguliðar hjá Schengen, með þeim kostnaði og vandræðum sem því fylgja.

Það eina sem við höfum að ræða við ESB, er útganga úr Evrópska efnahagssvæðinu (EES) og endurupptaka tvíhliða fríverzlunar-samnings. Inngangan í EES kom í stað tvíhliða fríverzlunar-samnings frá 1972, sem landið hafði við Efnahagsbandalag Evrópu (EB). Gagnstætt okkur, höfðu Svisslendingar vit á að halda sínum tvíhliða samningi og hafa þróað hann síðan í samræmi við eigin hagsmuni.

Ég tileinka landráðaliðinu eftirfarandi vísu, sem Jón Ólafsson (1850-1916) orti 1869. Vísan er úr kvæðinu Íslendinga-bragur og var tileinkaður Dönskum-Íslendingum, sem var versta manngerð sem Jón þekkti. Það voru landráðmenn hans tíma.

En þeir fólar, sem frelsi vort svíkja

Og flýja í lið með níðinga-fans

Sem af útlendum upphefð sjer sníkja,

Eru svívirða og pest föðurlands

          <><><<>><><>

Bölfi þeim ættjörð á deyjanda degi,

Daprasta formæling ýli þeim strá,

En brimrót, fossar, fjöllin há

Veiti frið stundar-langan, þeim eigi;

          <><><<>><><>

Frjáls því að Íslands þjóð

Hún þekkir heims um slóð

Ei djöfullegra dáðlaust þing,

En danskan Íslending!

Þreyta í stækkun ESB

Athugasemdir

[Jóhannes H. Laxdal, 18.4.2009 kl. 12:47]

Gæti ekki verið meira sammála þér.  

Fyrst það er ekki að virka að lofsama ESB þá fara þeir útí hræðsluáróður og segja að þetta sé okkar eina tækifæri,  þessir ESB-liðar mættu nú alveg fara að hætta að tala.

[Karl Löve, 18.4.2009 kl. 12:58]

Að þú innmúraður Sjálfstæðismaður leyfir þér að kalla aðra landráðamenn er hámark ósvífninar.

Allir sem eitthvað vit hafa á peningamálum viðurkenna að við munum aldrei komast út úr þessu hruni sem þú og þínir líkar hafið kallað yfir okkur hin nema með inngöngu í ESB.

Við erum með ónýtan gjaldmiðil sem hvergi er hægt að nota, ekki einu sinni hér á landi og því miður er svo komið að við höfum enga aðra raunhæfa lausn en ESB.

Fyrst þú þykist skáld þá læt ég hér fylgja smá vísukorn sem mér finnst lýsa þér og þínum líkum best þessa dagana. Tek fram að ég er ekki höfundur þessarar vísu.

Upp er skorið engu sáð,

allt er í varga ginum,

þeir sem að aldrei þekktu ráð.

þeir eiga að bjarga hinum.

[Helgi S. Karlsson, 18.4.2009 kl. 13:07]

"Eins og flestir þekkja, var innganga okkar á Evrópska efnahagssvæðið (EES) 1994 ein af forsendum efnahagshrunsins. Án aðildar að EES hefðu bankarnir ekki átt möguleika að belgja út efnahagsreikning sinn. Án aðildar að EES hefði Landsbankinn ekki getað stofnað til Icesave reikninganna. Án aðildar að EES værum við ekki leiguliðar hjá Schengen, með þeim kostnaði og vandræðum sem því fylgja."

Sem sagt, þú telur það best fyrir landið að takmarka möguleika okkar svo við verðum okkur ekki til skammar og lendum ekki í vandræðum?

Með þessu ertu nánast að halda því fram að við ættum að stíga út úr öllum samningum sem líta vel út þegar í þá er gengið vegna þess að þeir gætu farið illa á endanum. Tel ég mikla þröngsýni mikil þar á ferð.

Og hvernig í ósköpunum færðu það út að EES sé valdur vandræðanna? Það er líka hægt að snúa þessu svona, eitthvað sem ég tel mun skynsamlegri og líklegri ástæðu fyrir vandanum en EES sem samningur nokkurn tímann.

1. Án kæruleysi af hálfu yfirvalda og hunsun á orðum fræðimanna sem vöruðu okkur iðulega við hvert við stefndum hefðu bankarnir ekki átt möguleika að belgja út efnahagsreikning sinn.

2. Hvað er varðar Icesave og Schengen - við sáum góða ástæðu fyrir þeim skrefum þegar þau voru tekin. Það er ALLTAF hægt að vera vitur eftir á - en ég er nokkuð hræddur um að ef þú tekur aldrei skref áfram án þess að vita fyllilega hvað þar þín býður muntu seint læra nokkurn skapaðann hlut. 

Hvað er varðar ESB og samfylkinguna, segir það þér ekkert um skoðanir landans að þeir skuli vera stærsti flokkurinn í dag? 

Það sem er mér merkilegast er þessi veruleikafyrring með meiru í Íslendingum að þegar nánast allur hinn vestræni heimur er að sameinast undir einum hatti getum við 300.000 talsins staðið á eigin fótum og boðið risunum byrginn.

Við virðumst lifa á sögunni um Davíð og Golíath og halda að þótt að risinn sé með höfuðið ofan skýja muni pínulitla teygjubyssan okkar ná að hafa betur. Ég held að þú og aðrir ættu að fara að gera ykkur grein fyrir breyttum tímum og breyttum heimi. Þótt að Íslendingar hafi náð að standa einir og vegna vel í gegnum tíðina þýðir ekki að lifa endalaust á gömlum glæðum. Það er kominn tími til þess að fara að finna farveg með öðrum og hætta þessari bölvuðu einangrunarstefnu sem stolt Íslensku þjóðarinnar hefur falið okkur í trú um að sé okkur fyrir bestu. 

Þetta stolt mun gera fátt annað en að verða okkur til falls. Það er kominn tími til að við lærum að leika með hinum börnunum og þar með talið að deila leikföngum okkar. Í því líkt og öllu öðru sem er stórt og viðamikið mun það verða okkur á sviðum erfitt uppdráttar, en þar sem löggjöf og skynsemi ræður ríkjum (og ef þræta skal fyrir skynsemi í eins stórum risa og ESB er sem lifir góðu lífi þótt að nokkrir útlimir séu ekki eins sáttir með sinn skerf og þeir vildu vera, þá verður ekki hlustað), þar erum við líklegri til að enda á betri stað en ella, sérstaklega ef stefna okkar er að berjast gegn þeim skrefum til sameiningar sem flestir sem ekki eru uppfullir af drambi eru tilbúnir að taka.

ESB hefur sýnt velhug sinn með því að taka inn lönd sem eru komin í þrot líkt og við stöndum í núna og vanalega fylgir því þakklæti og gleði. En hér sjáum við hluti öðruvísi því alltaf þurfum við að vera best og stærst þrátt fyrir að við séum rétt rúmlega 300.000 í milljarða manna heimi. 

Höldum áfram að einangra okkur og berjast gegn þeirri þróun sem á sér stað í heiminum í dag og það er nákvæmlega þannig sem við eigum eftir að enda; ein á báti, fátæk, með ónýtan gjaldmiðil sem sækist eftir og markað sem enginn vill snerta á. Allavega verður staðan margfalt verri en þeir byrjunarörðugleikar sem við myndum mæta innan ESB. Fólk skal alltaf huga til nútíðarvandamála við ESB og aldrei, aldrei hugsa til framtíðar.

En þar sem ég hef það nokkuð víst að þú sért einn af þeim mönnum sem myndi aldrei telja ESB sem réttu leiðina, sama hvaða rökum að þér yrði rétt, sama hversu sterk þau væru, þá ætla ég að láta þetta vera mitt fyrsta og síðasta innlegg í þessar vangaveltur þínar. 

Hafðu það gott.

Kveðja, HSK

[Loftur Altice Þorsteinsson, 18.4.2009 kl. 13:26]

Þú ferð með algjörlega rangt mál Karl, þegar þú fullyrðir að eina lausnin í peningamálunum sé innganga í Evrópusambandið. Þú vísar til óskilgreindra vitringa í peningamálum, þannig að þú hefur ekki hugsað málið sjálfur. Þar liggur raunar vandi flestra ESB-sinna, þeir hafa ekki hugsað málið en láta Evrópu-trúboðana segja sér fyrir verkum.

Við eigum miklu betri kosti en undirgefni undir ESB og upptöku Evru eftir 10-15 ár. Bezti kostur okkar í gjaldmiðilsmálum er "fastgengi undir stjórn Myntráðs". Ef þú hefur áhuga, getur þú fundið margar ritgerðir um það efni á blogginu mínu. "Fastgengi undir stjórn Myntráðs" getum við tekið upp strax og ef við veljum US Dollar sem stoðmynt, erum við strax komin með í notkun alþjóðlegan gjaldmiðil.

[Kolbrún Hilmars, 18.4.2009 kl. 13:35]

Loftur, ég er sem fyrr sammála hverju orði í pistlinum þínum.

Mér var skemmt að lesa röksemdir Helga hér á undan en ekki hissa

því ESB árátta SF flokkast svo sannarlega undir trúarbrögð.

[Helgi S. Karlsson, 18.4.2009 kl. 14:12]

Heh, þátt fyrir að ég hafi sagt að ég ætlaði mér ekki fleiri innlegg hér, þá er fleirum skemmt, ekki síst mér, svo mikið að ég sé mig tilneyddan til að halda þessu áfram.

Kolbrún: Sem sagt, það að hrista ekki peningabudduna og vita hvort hún hljómi og að þá sé allt í lagi eru trúarbrögð? Líttu til framtíðar væna mín. Hvar sérð þú 300.000 manna samfélag í framtíðinni með stóran hluta af Evrópu sameinaðan, sérstaklega nú þegar við erum í brunarústum ykkar sem teljið peningabudduna mælikvarða á velgengni? Ein aðal rök ykkar einangrunarsinna eru þau að það verði troðið á okkur innan ESB. Hvílík della. Ef þú vilt virkilega verða undir fótum á risanum þá skaltu standa fyrir utan hann og segja honum að pínulitla við séum honum betri. Þá fyrst færðu að finna fyrir ofsa hans. Þá fyrst munum við finna fyrir því hvað það er að verða ein, án löggjafar ESB fyrir meðlimi sína til að standa í veg fyrir grófu óréttlæti (óréttlæti má vera til staðar innan löggjafar ESB að einhverju leyti, en verður í engri líkingu við það óréttlæti sem okkur verður beitt utan hennar. Efist? Lesið sögubækur, eða eru þær trúarbrögð, eða er okkur best að spá aldrei í neitt sem er líklegt til að gerast (rétt eins og allar skýrslur fræðimanna er vöruðu okkur við hruninu, eða voru það líka trúarbrögð?) svo við getum lent í svona hruni aftur?

Sem sagt Kolbrún, þetta heitir að horfa til framtíðar og sjá heildarmyndina. Ég tel ESB enga gullna lausn. Ég tel ESB frekar ÓGN sem okkur ber að hunsa ekki, heldur SEMJA við. 

"Margur er knár þótt hann sé smár" - ekki satt? Sínum þá snilld okkar með því að ganga í aðildarviðræður við ESB (þó einungis EF samningaviðræður eru sanngjarnar. Frekar vil ég láta að troða mig niður heldur en lifa við ofríki, sem ég tel þó harla ólíklegt að verði niðurstaðan).

Það sem veldur reiði okkar ESB-lima eins og Jóhannes vildi kalla okkur hér fyrir ofan er þessi undraverða þröngsýni ykkar að geta ekki einu sinni íhugað aðildarviðræður og fá að heyra hvað er í boði. Hvert, má ég spyrja, er vandamálið við það? Er það það sama og að segja já og amen við hverju sem okkur er boðið?

Það sem eru hin raunverulegu trúarbrögð hér á ferð er þessi gífurlega þröngsýni og vissa í ykkur um að þessi gífurlega smávaxna þjóð geti barið frá sér öll efnahagsleg og annars konar vandamál sem að okkur herja án aðstoðar frá öðrum. Og ef "fastgegni undir stjórn Myntráðs" tillagan er svona mikil undraverð lausn á öllum okkar vandamálum er mér spurn, hvers vegna er hún ekki jafn öflug í umræðunni og ESB, sem af mörgum er talin eina lausnin í þeirri vandastöðu sem að okkur herjar? Eru þið að halda fram að hér á þessu bloggi sé lausn fundin sem engum öðrum hefur dottið í hug og hefur (nánast?) aldrei birst í fjölmiðlum, þrátt fyrir að búið sé að vinna hörðum höndum að því að finna aðra möguleika í stöðunni?

Ef svo er, hættið þá að tauta og tuða á bloggi og berið þessa tillögu fram við þá sem einhverju ráða! Og ef ekki er hlustað á ykkur, gerið ykkur grein fyrir að ekki sé um raunhæfa lausn að ræða.

Hin raunverulegu trúarbrögð er að hafa ennþá tröllatrú á einangrunarstefnu sjálfstæðisflokksins, því líkt og með önnur trúarbrögð á hún við engin rök að styðjast þótt hún hafi hentað okkur áður fyrr.

[Loftur Altice Þorsteinsson, 18.4.2009 kl. 14:17]

Þakka þér fyrir ýtarlegt erindi Helgi, í anda ESB-hreintrúnaðar.

Þetta með að stíga skref út í óvissuna er þér hjartfólgið, en það er einmitt þannig sem menn gera mistök, sérstaklega ef menn eru hlekkjaðir á höndum og fótum. Þetta var það sem skeði með inngöngunni í Evrópska efnahagssvæðið (EES). Við gengumst undir upptöku reglugerða frá Evrópusambandinu og forustumenn landsins hefðu eins getað gengið blindandi til þessa samstarfs. Menn geta leyft sé óvarkárni fyrir eigin reikning, en ekki fyrir hönd heillar þjóðar.

Það voru ekki Icesave reikningarnir í sjálfu sér sem urðu okkur að falli, heldur innistæðutryggingarnar sem líklega engin Íslendingur vissi um. Það eru mistök af þessu tagi sem bíða okkar, ef við gönum áfram af trúarlegum ákafa. Við hefðum getað farið í útrás til Evrópu án EES-samningsins, en við hefðum gert það á grundvelli tvíhliða samnings. Þá hefðu við samið um alla þætti og getað haft stjórn á atburðarásinni. Þarna er munurinn Helgi, sem öllu skiptir.

Það sem þér og mörgum öðrun sést yfir, er mikilvægi leikreglna á efnahagssviði. Mörgum sést einnig yfir mikilvægi dómgæslunnar og þeir einblína á frammistöðu leikmannanna. Þetta er rangt viðhorf, sem lýsir skilningsleysi á mannlegu samfélagi og fjármálalífinu sérstaklega. Hópur fólks sem settur er í ákveðnar aðstæður, er líklegur til að bregðast við á ákveðinn og svipaðann hátt og aðrir hópar. Þess vegna hafna ég því að ákveðnar stéttir eins og bankamenn séu brennimerktir, vegna þess að leikreglur og dómgætsla á bankasviði var ófullnægjandi.

Þú sérð ofsjónir yfir smæð þjóðarinnar, frammi fyrir mannmergð heimsins. Þetta er viðhorf þeirra sem eru smáir í sálu sinni. Fjölmenni þjóða hefur lítið með manndóm að gera og væntanlega erum við að tala um manndóm öðru fremur. Þótt einhverjar þjóðir hafi lítinn manndóm og láti sópa sér saman í stórar heildir, er það ekkert til að apa eftir.

Þetta hefur heldur ekkert með veruleikafirringu að gera. Fámennum þjóðum er einmitt fátt mikilvægara en að búa við hæfilega einangrun, nema menn stefni vísvitandi að afnámi þjóðernis síns. Slíkt fólk er til og er lítið við að segja, en þeim Íslendingum sem þannig er innanbrjóts ráðlegg ég að flytja úr landinu, sjálfs sín vegna. Ísland mun ekki viljandi gangast undir vald annara þjóða.

Kveðja.

[Haraldur Haraldsson, 18.4.2009 kl. 14:49]

Flott grein og sönn/Kveðja Halli gamli

[Helgi S. Karlsson, 18.4.2009 kl. 15:02]

"Þetta með að stíga skref út í óvissuna er þér hjartfólgið, en það er einmitt þannig sem menn gera mistök, sérstaklega ef menn eru hlekkjaðir á höndum og fótum. Þetta var það sem skeði með inngöngunni í Evrópska efnahagssvæðið (EES). Við gengumst undir upptöku reglugerða frá Evrópusambandinu og forustumenn landsins hefðu eins getað gengið blindandi til þessa samstarfs. Menn geta leyft sé óvarkárni fyrir eigin reikning, en ekki fyrir hönd heillar þjóðar".

Já Loftur, það er einmitt þannig sem þú gerir mistök en án þeirra lærir þú aldrei neitt. Annars gerðum við ekkert nema að við kynnum allt - og þá yrði nú lítil þróun eða lærdómur, hvorki persónuleg eða samfélagsleg. Ráðamenn gera það sem þeir telja best fyrir land og þjóð. Auðvitað gera þeir mistök eins og aðrir. Það hjálpar engum að gráta það eftir á heldur skal læra af mistökum sínum og halda áfram. Hvort sá lærdómur feli í sér að forðast öll önnur Evrópumál líkt og ESB felur í sér svipaða þröngsýni og áður. Hvernig væri að gagna til aðildarviðræðna fyrst, sjá hvað í boði er og ákveða svo hvort það sé okkur í hag? 

"Það voru ekki Icesave reikningarnir í sjálfu sér sem urðu okkur að falli, heldur innistæðutryggingarnar sem líklega engin Íslendingur vissi um. Það eru mistök af þessu tagi sem bíða okkar, ef við gönum áfram af trúarlegum ákafa. Við hefðum getað farið í útrás til Evrópu án EES-samningsins, en við hefðum gert það á grundvelli tvíhliða samnings. Þá hefðu við samið um alla þætti og getað haft stjórn á atburðarásinni. Þarna er munurinn Helgi, sem öllu skiptir".

Það eru einungis mistök af þessu tagi sem bíða okkur nema ef við lærum ekki af reynslunni. Og enginn er að tala um trúarlegan ákafa heldur aðildarviðræður og að meta svo hvað er í stöðunni. Við þurfum bara að fara varlega, endurmeta stöðuna, læra það sem reynslan hefur okkur fært og halda svo ótrauð áfram í átt að þróun og frekari vitneskju. Við munum gera frekari mistök,á því leikur enginn efi, en það er þannig sem við lærum og þroskumst. Önnur leið til þroska og aukinnar vitneskju er ekki í boði. Á endanum þarftu alltaf að fara út fyrir þitt vitneskjusvið til þess að afla nýrra upplýsinga og þá eru mistök ávallt möguleg.

"Það sem þér og mörgum öðrun sést yfir, er mikilvægi leikreglna á efnahagssviði.mikilvægi dómgæslunnar og þeir einblína á frammistöðu leikmannanna. Þetta er rangt viðhorf, sem lýsir skilningsleysi á mannlegu samfélagi og fjármálalífinu sérstaklega. Hópur fólks sem settur er í ákveðnar aðstæður, er líklegur til að bregðast við á ákveðinn og svipaðann hátt og aðrir hópar. Þess vegna hafna ég því að ákveðnar stéttir eins og bankamenn séu brennimerktir, vegna þess að leikreglur og dómgætsla á bankasviði var ófullnægjandi".

Nei kallinn minn, þarna hefur annað hvort kolrangt fyrir þér eða ert að rugla mér saman við einhvern annan. Ef þú skoðar hér fyrir ofan sagði ég "kæruleysi af hálfu yfirvalda" og nefndi aldrei bankamennina. Ég er nefnilega alveg sammála þér. Mín myndlíking hefur hinsvegar verið til dýra. "Ef þú hefur girðinguna ekki í lagi mun rollan sleppa". Ég kenni slæmu eftirliti yfirvalda um vandamál okkar í dag mun fremur en bankamönnum. Yfirvöldin eru nefnilega bóndinn sem skal hafa vitið á meðan bankamenn eru rollurnar sem sluppu. Þannig að hér erum við sammála. Ég er bara ekki eins fagurorða líkt og þú.

"Þú sérð ofsjónir yfir smæð þjóðarinnar, frammi fyrir mannmergð heimsins. Þetta er viðhorf þeirra sem eru smáir í sálu sinni. Fjölmenni þjóða hefur lítið með manndóm að gera og væntanlega erum við að tala um manndóm öðru fremur. Þótt einhverjar þjóðir hafi lítinn manndóm og láti sópa sér saman í stórar heildir, er það ekkert til að apa eftir."

Heh, Loftur, eitthvað tel ég að ef þú myndir tala við þá sem mig þekkja myndir þú fá að heyra allt annað en það að ég sé smár í sálu minni. Ég geri mér hinsvegar grein fyrir stærðarhlutföllum og lifi ekki í þeirri blekkingu að þau hafi ekki áhrif. Þótt þú teljir manndóm okkar hér öllu skipta mun manndómur okkar lítið aðstoða þegar risinn fer að berja niður veggi og krefjast valda. Frekar vil ég hafa löggjöf og samninga að baki okkur fremur en blessaðan manndóminn. Manndómur þessi er líkt og íslenska stoltið er ég vitnaði í áðan, sendir okkur til skýjanna en gerir lítið sem ekkert til að halda okkur þar uppi.

"Þetta hefur heldur ekkert með veruleikafirringu að gera. Fámennum þjóðum er einmitt fátt mikilvægara en að búa við hæfilega einangrun, nema menn stefni vísvitandi að afnámi þjóðernis síns. Slíkt fólk er til og er lítið við að segja, en þeim Íslendingum sem þannig er innanbrjóts ráðlegg ég að flytja úr landinu, sjálfs sín vegna. Ísland mun ekki viljandi gangast undir vald annara þjóða."

Ég á enn eftir að heyra um afnámun þjóðernis innan ESB.Þú talar um afnámun, ég lít frekar á þetta sem einangrun. Heimurinn verður minni og minni með hverjum deginum. Það er ástæða fyrir að þessi sameining er að eiga sér stað og það er ástæða fyrir því að ef einhver missir boltann í heimi efnahagsins í Kína finnum við fyrir skjálftanum hér. Við verðum meir og meir samtvinnum með hverjum deginum sem líður, jafnt efnahagslega sem og menningarlega (sjáðu Japan og Ísland sem örlítið dæmi er kemur að menningu annarra landa (USA)). Við erum í raun orðin ekkert annað en mismunandi angar á kolkrabbanum. Ef við ætlum sífellt að halda áfram þeirri baráttu og afneitun gegn þeirri þróun sem á sér stað í heiminum í dag, munum við lenda undir að mínu mati. Og ef við leyfum dyrunum lokast nú að ESB líkt og Sjálfstæðismenn unnu fyrir hörðum höndum með því að berjast gegn breytingum á stjórnarskránni, án þess að kanna hvað er það fyrir innan, þá getur vel verið að allt verði um seinan og að ekki verði aftur snúið.

Þá fyrst Loftur, muntu sjá sjálfstæði og manndóm Íslendinga verða að engu.

Mér er nefnilega mjög annt um fyrrnefnda hluti líkt og þér. Ég tel bara mikla þörf til að berjast fyrir þeim á öðrum forsendum.

En ég vona sterklega að ef að Sjálfstæðismenn munu fá sínu framgengt og ESB sem og aðildarviðræður verða að engu, að ég hafi mjög rangt fyrir mér.

Kveðja,

[Kolbrún Hilmars, 18.4.2009 kl. 15:04]

Ágæti Helgi, þér er frjálst að tjá þig að vild mín vegna - en ég frábið mér karlrembuávarpið "Væna mín"! Fyrir utan hið augljósa, þá þjáist þú greinilega ekki heldur af neinni minnimáttarkennd.

[Loftur Altice Þorsteinsson, 18.4.2009 kl. 15:38]

Þakka ykkur Jóhannes, Dóra, Kolbrún og Haraldur kærlega fyrir innlitið. Verið ávallt velkomin.

[Helgi S. Karlsson, 18.4.2009 kl. 15:45]

Heh, jæja Kolbrún. Ég kalla  Loft í síðasta svari mínu "kallinn minn" og er um mann mér mun eldri að ræða. Er þá um "strákrembu" í garð hans að ræða?

Ég biðst forláts ef þú tókst þessu sem karlrembu, þar sem hvergi var slíka meiningu af minni hálfu að finna eða er til í minni sálu. Svona á ég stundum til með að orða hlutina þegar mér finnst fólk fara yfir ákveðið strik í afstöðu sinni gagnvart mér. Ég verð þó að bæta við að mér finnst viðkvæmni líkt og þetta afar kvimleið en lítið þó sem ég get í gert.

En það er rétt hjá þér. Maður á að vita betur en að láta nokkuð svona frá sér þar sem það er alltaf einhver sem gæti tekið svona smotterý illa, þótt fátæklegt hafi verið.Við karlmenn þurfum greinilega sífellt að vera á varðbergi ef ekki meira en þetta má bregða út af til að fá á okkur stimpilinn "karlremba". Og þá tel ég líka orðið mjög lítið í þetta orðið spunnið. Ég dreg þetta því hér með til baka Kolbrún. Þú ert engin "væna mín" og langt frá því.

Og það er rétt hjá þér. Minnimáttarkennd er ekki minn tebolli, hefur aldrei verið og mun aldrei verða.

Kveðja,

[Helgi S. Karlsson, 18.4.2009 kl. 15:51]

Heh Loftur, um of að þakka okkur hinum líka? Eða erum við ekki þess verðir þar sem við erum ekki á sömu skoðun varðandi Evrópumál og þið hin?

Merkilegt nok.

Hinsvegar vil ég þakka þér og ykkur hinum fyrir umræðuna. Hún hefur verið, ef ekki í það minnsta, ánægjuleg afþreying áður en ég legg höfuð yfir skólabækurnar.

Kveðja,

[Hjálmtýr V Heiðdal, 18.4.2009 kl. 16:48]

Loftur og hans skoðanabræður eru eins og uppvakningar frá öðrum tíma. Hvaða framtíð vill Loftur bjóða ungum Íslendingum? Að búa hér með ónýtan gjaldeyri, viðskiptahöft og fátækt?

Hann hefði sómt sér vel sem ráðamaður í gamla Sovétinu.

[Gunnlaugur I., 18.4.2009 kl. 17:27]

Góð grein og á kjarnyrtri Íslensku Loftur.

Í mínum huga er þetta ESB trúboð ekkert annað en LANDRÁÐALIÐ og er með skefjalausum rétttrúnaði sínum að kljúfa þjóðina þegar mesta þörfin er að verjast og sameina þjóðina.

Það kemur úr hörðustu átt þegar aðildarsinnar eins og Hjálmtýr tala um að skoðanir okkar sem erum á móti ESB séu í anda SOVÉTSINS gamla. ´

Ekkert kerfi eða system minnir meir á fullkomleikan og lýðfræði skriffinnanna eins og var hjá USSR helduren ESB siðspillt valdakerfi andlitslausu embættismannanna.

Það kerfi minnir mig alltaf meir og meir á hlutskipti dýrana í teiknimyndinni "Animal Farm"

Enda munu bæði þessi hugmyndakerfi tortíma sjálfu sér og þess verður ekki langt að bíða.

Og þó svo að ég sé harður andstæðingur ESB þá frábið ég mér að vera úthrópaður sem Sjálfstæðismaður og það af þessu landráðaliði !

[Kolbrún Hilmars, 18.4.2009 kl. 17:29]

Hjálmtýr kemur hér með nokkuð góðar spurningar, sem eru þess verðari að svara en hunsa.

Hvað lagði þjóðin upp við stofnun lýðveldisins árið 1944 annað en ónýtan gjaldeyri, viðskiptahöft og fátækt. Unga fólkinu þeirra tíma var ekki "boðið" upp á neitt - annað en að spýta í lófana og leggja sitt af mörkum. Og sjá, aðeins 50 árum síðar taldist hið unga íslenska lýðveldi með ríkustu þjóðum heims.

Þótt svo að misvitrir ráðamenn og græðgispúkar aðrir hafi lagt allan þennan árangur í rúst, þá er það engin ástæða til þess að gefast upp og leita skjóls hjá öðrum forsjárkrötum hvort sem þeir heita Sovíet eða ESB - við bara byrjum upp á nýtt ef þarf!

[Loftur Altice Þorsteinsson, 18.4.2009 kl. 17:38]

Hjálmtýr er þekktur fyrir að hafa endaskipti á staðreyndum. Það gerir hann svo sannarlega hér, eins og Gunnlaugur fjallar um fimlega. Þakka þér heimsóknina Gunnlaugur.

[Loftur Altice Þorsteinsson, 18.4.2009 kl. 18:21]

Helgi segist ekki þjást af minnimáttarkennd og vel kann svo að vera. Það er þó undarlegt að hann skuli fara í fýlu vegna þess að hann fekk ekki nægar þakkir fyrir heimsókn sína. Samt þakkaði ég honum fyrir ýtarlegt erindi og þær þakkir verða að duga.

Helgi er annars með óvenjulega nálgun að ESB-aðild. Ef ég skil hann rétt, þá telur hann að ef við getum ekki sigrað hin illvíga andstæðing okkar ESB, þá eigum við að sameinast honum. Ég hef ekki séð þessa röksemd fyrr í umræðu um ESB, enda ekki vatnsheld. Bæði er að ESB er ekki andstæðingur okkar í öllum málum og eins er samstaða innan ESB af skornum skammti.

Að því er Helgi segir, eru einhverjir ESB-sinnar reiðir vegna andstöðu þjóðarinnar við trúboðinu. Ég er sérstaklega ánægður með þessi ummæli, vegna þess að þá er líka von til að ESB-limir skilji alvöru málsins og láti af þvermóðsku sinni. Það er auðvitað ekki boðlegt að hamast í ESB-trúboði þegar allir ættu að leggja hönd á plóg við björgum efnahagslífsins. Eftir 5 ár getum við aftur farið að rífast um Evrópusambandið, ef það verður þá ennþá ofan foldar.

Strax og Samfylkingin hefur tekið sönsum, getum við farið að skoða beztu lausn okkar í peningamálunum. Eins og Helgi bendir á, er það "fastgengi undir stjórn Myntráðs". Helgi útskýrir líka hvers vegna þessi lausn fæst ekki rædd, en það er vegna þess að Samfylkingin hefur unnið hörðum höndum við að ræða ekkert annað en ESB-aðild. Þess vegna má það ekki ské, að Samfylkingin komi nærri nærstu ríkisstjórn. Þess vegna ætti Sjálfstæðisflokkurinn að veita stuðning minnihlutastjórn VG og Framsóknar. Ég legg til að það verði gert án skilyrða í tvö ár.

[Hjálmtýr V Heiðdal, 18.4.2009 kl. 18:27]

Þið eigið það sammerkt, Loftur, Kolbrún og Gunnlaugur, að þið þekkið ekki neitt til ES.

Það er svakalegt að lesa það sem þið skrifið!

Kolbrún, þín „spítumílófabrettumuppermar“ heimspeki er næstum því aðdáunarverð. En við þurfum ekki að dragnast með ónýtan gjaldeyri, við þurfum ekki að búa við viðskiptahöft og fátækt. Við getum lagað stöðuna með því að ganga í samstarf þjóða sem byggir á samhjálp og lýðræði og tak upp öflugan gjaldeyrir.

Andstæðingar ES tala um glatað sjálfstæði, missir auðlinda, minna lýðræði, fjarstýringu og landráð. Reynið að nálgast jörðina (það gerir enginn kröfur um að þið komið alveg niður- það gæti verið erfitt) og hættið þessu bulli.

Eru Danir, Svíar og Finnar ekki sjálfstæðar þjóðir? Ráða þessar þjóðir ekki sínum auðlindum? Er þeim fjarstýrt frá Brussel?

Eru vextir lægri í ES? Er vöruverð lægra í ES?

Er betra fyrir Íslendinga að vera utan ES en taka við reglugerðum án þess að hafa minnstu möguleika á að hafa áhrif á gerð þeirra?

Er Evran traustari gjaldmiðill en ísl. krónan?

Hvers vegna eiga Íslendingar ekki að kanna stöðuna og möguleikana með aðildarviðræðum?

[Helgi S. Karlsson, 18.4.2009 kl. 19:00]

"Helgi segist ekki þjást af minnimáttarkennd og vel kann svo að vera. Það er þó undarlegt að hann skuli fara í fýlu vegna þess að hann fekk ekki nægar þakkir fyrir heimsókn sína. Samt þakkaði ég honum fyrir ýtarlegt erindi og þær þakkir verða að duga."

Heh, Loftur. Þú mátt eiga það að þú er skemmtilegur penni þótt ég sé ekki sammála flestum innleggum þínum.

Í fyrsta lagi fór ég ekki í fýlu þótt þú hefðir ekki þakkað mér fyrir heimsókn mína, heldur fannst mér það afar kímlegt að þú skyldir sérstaklega taka það til að þakka öllum öðrum en mér og Karli sem þá höfðum báðir komið fram skoðunum okkar hér. Í stað þess að þakka öllum fyrir komu sína og part í umræðunum sástu þér ástæðu til að telja fram hvert nafn annað en okkar.

"Helgi er annars með óvenjulega nálgun að ESB-aðild. Ef ég skil hann rétt, þá telur hann að ef við getum ekki sigrað hin illvíga andstæðing okkar ESB, þá eigum við að sameinast honum. Ég hef ekki séð þessa röksemd fyrr í umræðu um ESB, enda ekki vatnsheld. Bæði er að ESB er ekki andstæðingur okkar í öllum málum og eins er samstaða innan ESB af skornum skammti."

Enn verð ég að viðurkenna að þú vekur upp bros á vörum mínum og þakka ég þér fyrir. Allt til að létta lund á þungum námsdegi (þótt meiri tími en ég ætlaði mér hafi farið í þetta). 

ESB er ekki illvígur risi. Hann verður hinsvegar án efa óþolinmóður og pirraður er kemur að fjármálum og öðrum millilandasamskiptum ef við erum ávallt það barn sem aldrei vill leika með hinum. Ef þú einangrar þig frá umheiminum þá mun rétt eins fara fyrir okkur og eins og hefur farið fyrir gyðingum (ég tek það fram að ég hef enga fordóma í garð gyðinga. Heldur vorkenni ég þeim vegna þeirrar ásóknar sem að þeim hefur lagt vegna  að mörgu leyti fastheldnis og einangrunarstefnu þeirra innan ríkja annarra) vegna þess að þeir voru tilbúnir að synda í vatni annarra án þess að bjóða þeim með í leikinn. Þegar heimurinn minnkar líkt og ég nefndi áður erum við öll farin að synda í sömu tjörn og plássið verður minna og minna. Ef þú vilt ávallt halda þér fyrir utan hópinn mun hópurinn á endanum hunsa þig og fyrirlíta. Það eru örlög sem við sköpum okkur sjálf með þessari afstöðu. Þess vegna vitna ég í ESB eins og íllvígan risa, vegna þess að við munum rækta þá afstöðu upp í honum með sífelldri mótstöðu við stefnu þeirra líkt og við höfum efni á því (sem allir með réttu vita að nú til dags höfum við ekki) - sérstaklega í ljósi Icesave málsins og annarra svipaðra málefna sem eru að gera okkur langt frá því vinsælasta þoskinn í sjónum.

"Að því er Helgi segir, eru einhverjir ESB-sinnar reiðir vegna andstöðu þjóðarinnar við trúboðinu. Ég er sérstaklega ánægður með þessi ummæli, vegna þess að þá er líka von til að ESB-limir skilji alvöru málsins og láti af þvermóðsku sinni. Það er auðvitað ekki boðlegt að hamast í ESB-trúboði þegar allir ættu að leggja hönd á plóg við björgum efnahagslífsins. Eftir 5 ár getum við aftur farið að rífast um Evrópusambandið, ef það verður þá ennþá ofan foldar".

Við þessu hef ég ekkert að segja því innihaldið í þessu er ekkert sem ekki hefur verið nefnt áður og komið með svar við. Jú eitt, það er ekki andstaða þjóðarinnar. Þjóðin erum við öll ekki satt? - og enn sem komið er er stærsti flokkurinn sá flokkur sem styður aðildarviðræður við ESB - og samanstendur hann af yfir 30% þjóðarinnar samkvæmt nýjustu skoðanakönnunum.

"Strax og Samfylkingin hefur tekið sönsum, getum við farið að skoða beztu lausn okkar í peningamálunum. Eins og Helgi bendir á, er það "fastgengi undir stjórn Myntráðs". Helgi útskýrir líka hvers vegna þessi lausn fæst ekki rædd, en það er vegna þess að Samfylkingin hefur unnið hörðum höndum við að ræða ekkert annað en ESB-aðild. Þess vegna má það ekki ské, að Samfylkingin komi nærri nærstu ríkisstjórn. Þess vegna ætti Sjálfstæðisflokkurinn að veita stuðning minnihlutastjórn VG og Framsóknar. Ég legg til að það verði gert án skilyrða í tvö ár."

Hér bjagar þú orð mín í hverju skrefi. Er það þannig sem þú kemur punktum þínum á framfæri? Ég sagði aldrei að besta lausn okkar í peningamálum væri sú lausn sem þú ert hér að bera á borð. Ég sagði einungis að ef þetta væri þessi töfralausn sem þú talar um, hvers vegna ertu að blaðra hana hér á bloggi þínu í stað þess að bera hana fram við ráðamenn og sjá hvor hljómgrunnur er fyrir henni? Eitthvað minnir mig að umræðan um fastgegni við dollarinn hafi komið upp og hafi verið afskrifuð jafnóðum. Og svo heldur þú áfram að bjaga orð mín með því að segja að ég hafi útskýrt eitthvað sem ég gerði ekki. Ef þú telur að þessi undraverða lausn, betri en ESB, sé ekki í hæsta umtali vegna frekju Samfylkingarinnar, þá hefur þú meiri tröllatrú á Samfylkingunni en flestir sem ég þekki. Ekki einu sinni öfgasinnar Samfylkingarinnar trúa því að ég tel að Samfylkingin hafi einvald í þeim málefnum sem koma upp jafnt í fjölmiðlum og á þingi. Og öðru trúa þeir svo sannarlega ekki - að Samfylkingin hafi ótakmarka stjórn yfir skynsemi og forhyggju landans. Komdu þessari hugmynd þinni (ef um er að ræða eitthvað annað en það sem nú þegar er búið að afskrifa) á framfæri og sjáðu hvort hún fái hljómgrunn. Nema þú haldir að það séu ekkert nema vitleysingar við stjórn í landinu öllu mun hún fá hljómgrunn ef eitthvað er í hana spunnið, annars verður hún feld frá sem ónýt og óhæf lausn á þeim þjóðarvanda er að okkur herjar.

Kveðja,

[Helgi S. Karlsson, 18.4.2009 kl. 19:10]

Og já - ég verð að spurja að einu einn, sömu spurningu og bar fyrir í skriftum Valtýrs (spurningu sem ég var að vísu búin að bera upp áður en engin fann sér getu til að svara).

Hvers vegna eigum við ekki að kanna stöðuna og möguleikana á aðildarviðræðum? Hvað haldið þið að gerist? Munum við fá ESB vírusinn sem heilaþvær okkur í að ganga í sambandið?

Hver eru rök ykkar fyrir því að það sé óræði í því að athuga málið og sjá hvað er í boði? Getur einhver loksins reynt að svara því - eða eru þið búin að gera ykkur grein fyrir að engin haldbær rök eru fyrir því að kanna málið?

Kveðja,

[Helgi S. Karlsson, 18.4.2009 kl. 19:12]

*Hjálmtýrs - afsakið.

[Helgi S. Karlsson, 18.4.2009 kl. 19:13]

*eru gegn því

[Kolbrún Hilmars, 18.4.2009 kl. 19:26]

Hjálmtýr, ég hef fulla samúð með þér þegar þú spyrðir undirritaða, Loft og Gunnlaug saman, þar sem engin tvö okkar aðhyllast sömu stjórnmálastefnu.  Slík er mótstaðan gegn ESB aðild sem þinn flokkur, SF, á við að etja. 

[Helgi S. Karlsson, 18.4.2009 kl. 19:51]

Og já - svona til viðbótar. Þrátt fyrir að mínar skoðanir á aðildarviðræðum við ESB séu nokkuð af öðrum toga og líti frekar til eðli- og hegðunarmynstri mannsins (enda hálfur sálfræðingur hér á ferð) og þeirri mjög svo slæmu þróun fyrir okkur í millilandasamskiptum innan Evrópu ef við höldum þessari einangrunarstefu áfram, þá þætti mér afar vænt um að sjá einhver haldbær rök gegn þeim punktum sem Hjálmtýr lagði fram í síðasta innleggi sínu.

Hver eru rökin fyrir öllum þessum hörmungaspám ykkar er varðar ESB? Hvar er þau eiginlega að finna? 

Mér þætti afar vænt um að sjá ykkur kalla fram haldbær rök þess efnis þar sem það eru iðulega þeir sem sjá sér þörf að mótmæla sem þurfa að sýna fram á hvers vegna mótmæli þeirra eiga við rök að styðjast?

Takið fyrir punkta Hjálmtýrs og sýnið hvar rökin gegn þeim liggja - og kannski fáið þið mig, Hjálmtýr og "landráðamennina" alla á ykkar band. Raunveruleikinn er hinsvegar sá að hingað til berið þið meira af tilfinningarökum á borð líkt og "mér finnst" fremur en eitthvað annað í þessum uppblásnu mótmælum ykkar.Og það sorglega er, meirihluti þjóðarinnnar virðist styðjast við sömu rök því enginn hingað til hefur fundið hamarinn sem sló ESB út af borðinu með einu og öllu, það er að segja engan hamar sem ekki samanstendur einungis af "íslensku þjóðarstolti, "spítumílófaogbrettumuppermar" heimspeki  og sjálfstæðishyggju".

Þeir sem mótmæla ber að finna rök til að sýna öðrum fram á skynsemi mótmælanna ef þeir vonast til að beina fólki í réttan farveg - ekki satt?

Kveðja,

[Eggert Guðmundsson, 18.4.2009 kl. 20:14]

Þrjú trúboð.

Kristindómstrúboð = Kommúnistatrúboð = ESB trúboð.

Öll trúboðin boða jöfnuð og samhjálp.

[Finnur Bárðarson, 18.4.2009 kl. 20:19]

Rangt Eggert. álver + hvalveiðar = trúarbrögð. Umræða um ESB= Guðlast

[Tómas Ibsen Halldórsson, 18.4.2009 kl. 20:28]

Góð grein Loftur,

við sjálfstæðissinnar treystum ekki á búrokratana sem starfa í Brussel og hafa engan hvata til að verja hagsmuni okkar þegar á reynir, ef þeir hagsmunir stangast á við aðrar þjóðir í ESB.  Þessir sömu búrokratar eru þekktir fyrir að bruðla með almanna fé og er spillingin síst minni en við höfum orðið vör við hér á landi.  Munurinn er sá að við getum eitthvað gert við því, t.d. fáum við tækifæri á laugardaginn kemur að láta álit okkar í ljósi með atkvæðum okkar, en í ESB höfum við ekkert að segja, hvorki um eigin mál né annarra.  Við verðum bara undir stjórn erlendra aðila rétt eins og við vorum undir stjórn Dana og þoldum það illa.

En það er eins og sumir hafi þörf fyrir sjálfstortímingu, þoli ekki að vera sjálfstæðir og bera ábyrgð á eigin málum.

Bestu kveðjur,

[Hörður Einarsson, 18.4.2009 kl. 20:29]

Frábært Loftur, tilvitnun í Jón Ólafsson er nákvæmlega það sem á við.

Og Helgi, hættu að tala niður til fólks, þá værir þú meiri maður, en þú virðist vera.

[Helgi S. Karlsson, 18.4.2009 kl. 20:53]

Heh, hefði átt að vita betur áður en ég hætti mér inn í hreiður þröngsjónar hinnar mestu og öfgabúa þess.

Hér verður um engin rök að ræða af ykkar hálfu sýnilega, einungis blaður um öfgakennda trú á illsku heimsins og hvað okkur sé best að forðast allt og alla því einungis við höfum yfir skynsemi og lýðræði að búa og enginn vill okkur ekkert nema illt og hefur upp á fátt annað að bjóða.

Hafið það gott kæra fólk. Þið munuð eflaust flest fá að sleppa með að finna fyrir afleiðingum af þröngsýni ykkar og öfga afstöðu gegn máli eins flóknu, mikilvægu og viðamiklu og þessu. Það verða börn eða barnabörn ykkar sem munu bera hinn rottna ávöxt þess.

Kveðja í hinsta sinn.

[Loftur Altice Þorsteinsson, 18.4.2009 kl. 21:09]

Það sem að þig vantar Hjálmtýr er HJARTA. Þú virðist ekki skilja, að tilfinningar sé gild ástæða til að hafa ákveðna skoðun. Er hægt að vera nær jörðinni (fósturjörðinni) en að láta tilfinningar ráða ? Frekar vil ég vera fátækur Íslendingur, en feitt Evrópu-svín.

Ég er auðvitað bara að tala fyrir mig sjálfan, þegar ég segi að ekki kemur til álita að núlifandi kynslóð ákveði fyrir langa framtíð að Íslendingar skuli vera undirmálsfólk í Evrópu. Auðvitað yrðu Íslendingar ekkert annað með inngöngu í þetta risastóra samband. Ef við stöndum utan við, eru við þó eitthvað og að minnsta kosti Íslendingar.

ESB-sinnar bera gjarnan fyrir sig efnahagsrök og vissulega er nokkuð til í þeim. Hins vegar verða efnahagsmálin betur leyst utan Evrópusambandsins en innan. Þess vegna eru þetta falsrök sem ESB-sinnar grípa til, vegna þess að þeir vita að fullveldinu yrði fórnað og um það er óþægilegt að ræða. Umræðan um Evru sem góða lausn á gjaldmiðilsvanda okkar, er grófasta dæmi sem hægt er að hugsa sér. Upptaka Evru í sátt við ESB, tekur 10-15 ár. Er boðlegt við núverandi aðstæður að sjá ekki aðra lausn ?

Það eina sem við höfum við Evrópusambandið að ræða er uppsögn aðildar okkar að Evrópska efnahagssvæðinu. Við komumst betur af með tvíhliða fríverslunar-samningi. Að auki er allur heimurinn markaður þeirra sem vilja og ástæðulaust að við lokum okkur frá umheiminum, sem útnári á Evrópu-skaganum.

[Guðmundur Jónas Kristjánsson, 18.4.2009 kl. 21:27]

Sæll Loftur. Innilega sammála þér í þessu öllu. Sorglegt hvað margir eru þröngsýnir að vilja innmúra hina fámennu íslenzku þjóð inn í 28 ríkja
miðstýrðu ríkjasambandi sem er í raun á fallandi fæti. Í stað þess að vera
í hópi allra hinna 165 fullvalda og frjálsra ríkja, og geta átt við þau öll viðkipti og
samskipti á jafnréttisgrundvelli. Þess utan yrði það efnahagslegt stórslýs að
fara inn í ESB með framseljanlegan kvóta á Íslandsmiðum, er myndi lenda á
uppboðsmarkaði ESB fyrir nánast hunda og manna fótum. Vonandi munu hinir
öfgafullu og þröngsínu  and-þjóðlegu ESB-sínnar ekki ná fram markmiðum
sínum. - En til þess að koma í veg fyrir ráðabrugg þeirra með Jóhönnu Sigurðardóttir í fararbroddi verða öll þjóðleg öfl og þjóðfrelsissinnar að standa
vaktina, og vera tilbúnir til að taka á móti landsöluliðinu af mikilli hörku.
Með illu skal illt út reka! 

[Ómar Bjarki Kristjánsson, 18.4.2009 kl. 22:16]

Þessi vísa er náttúruega barn síns tíma.  Jón unglingur er hann orti,  að mig minnir var þetta túlkað sem árás á Hilmar Finsen Landshöfðingja.  Hvort Jón varð ekki að flýja land um tíma vegna þessa.

Jón var mikill ævintýramaður og vildi m.a. að íslendingar keyptu Alaska og byggðu þar upp stórríki.

Seinna á æfinni mildaðist hann nokkuð (þó lengi gætu blaðagreinar hans verið beittar og fullar af háði enda mikill ritsnillingur) og þótti hann þá á tíma svo dansksinnaður að ungir menn notuðu umrætt kvæði gegn honum.

Eg hugsa að ef Jón væri uppi núna þá yrði hann ESB sinni.  Hugsa það.   Hann sægi auðvitað skynsemina í því.  Danmörk og Svíþjóð komi í sambandið o.s.frv.

[Helgi Viðar Hilmarsson, 18.4.2009 kl. 22:39]

Það er greinilegt að höfundur þessa pistils vill ekki fyrir nokkurn mun að Ísland gangi í ESB. Frekar vill hann búa við fátækt og hokur það sem eftir lifir og deyja síðan drottni sínum. Landráðamaður skal hann aldrei verða. Það hlýtur þó að vera skelfilegt hlutskipti fyrir hann að tilheyra þjóð þar sem u.þ.b. helmingurinn eru landráðamenn ef marka má skoðanakannanir.

[Marteinn Unnar Heiðarsson, 18.4.2009 kl. 23:04]

Get ekki verið meira sammála Lofti og ég vona bara hvað fólk muni kjósa ef það ætlar að lifa við sjálstæði Islands áfram þá er það allavega ekki samfylkinguna..

[Magnús Helgi Björgvinsson, 18.4.2009 kl. 23:20]

Sammála öllum sem hér hafa tjáð sig og heita "Helgi" Ég verð reyndar að játa á mig misskilning þegar ég sá fyrirsögina og hver skrifaði og hélt að hann væri að kalla einhverja "hirð" saman innan Sjálfstæðisflokksins sem hafi verið mynduð til að koma okkur aftur í svipaða stöðu og var um 1900. Enda vitnar Loftur mikið í orð og skáldskap frá þeim tíma. Hann horfir væntanlega í það að bændur fari í kaupstað og leggi inn skrokka og ull og fái hveiti og sykur í staðinn. Og sæki sér um leið skömmtunarseðla sem taka við af krónunni. Þannig var þetta hérna síðast þegar við lentum í höftum. Og þegar við erum búin með gjaldeyrisforðann eftir nokkur misseri þá tekur þetta væntanlega við.

Og við hér í þéttbýlinu stöndum fyrir utan skrifstofur útgerðaaðalsins í biðröðum að sækja um vinnu því að aðra vinnu verður ekki að hafa. Enn þegar við mætum hjá matvælaskömmtun Sameinuðuþjóðana og skildar stofnana þá getum við stolt sagt: Við erum sjálfstæð og fullvelda, þó að útlendingar segi annað" Svo tæki alþjóðasamfélagið sig til og skikkaði okkur í að afsala okkur fullveldi og sjálfstæði og gerast sýsla í Noregi, Danmörku, fylki í USA eða að samið yrði milli nágranaríkja um að ESB tæki okkur að sér um óákveðin tíma!

En þetta er Lofti meira að skapi en að ganga til samstarfs við 85% allarar Evrópuríkja sem vel að merkja eru allar sjálfstæðar og fullvalda. Þó þær hafi ákveðið að ákvarðanir í ákveðnum flokkum eins og fiskveiðum séu háðar sameiginlegri stjórn.

[Sigmar Þormar, 18.4.2009 kl. 23:28]

Frábært Loftur. En ekki gleyma að nefna Orkulögin sem við urðum að setja vegna EES. Allskonar fánýt ákvæði þar varðandi samkeppni í heimilda við að kaupa rafmagn frá ýmsum orkuveitum.

Algerlega út í loftið, sjálfsagt rándýr framkvæmd það. Orkulög EES miðast við samkeppni í  stórborgir Evrópu. En var troðið upp á okkur.

[Sigmar Þormar, 18.4.2009 kl. 23:29]

Samkeppni heimila átti þetta að vera.

kveðja Loftur

frá Vinstri grænum

[Sigmar Þormar, 18.4.2009 kl. 23:40]

Smá skýring við vísu Jóns Ólafssonar.

Þing er gömul enskusletta (thing) og við segjum líklega "fyrirbæri" í dag. Í stað "danskan" setjum við nú "ESB":

Ei djöfullegra dáðlaust þing,

En danskan (ESB???) Íslending!

Semsagt; Ekki vitum við ömurlegra fyrirbæri en ESB Íslending.

Harðort? Ég segi nú eins og við krakkarnir í Laugarneshverfinu í gamla daga. ,,Þið byrjuðuð"

[Óskar Arnórsson, 19.4.2009 kl. 08:31]

ESB sinnar ERU landráðamenn! Og Hjálmtýr! ESB fjarstýrir ESB löndum frá Brussel. Þú veist bara ekki hvað þú ert að tala um.

Svo eru spillingarmálinn í ESB alveg efni í heila bók. Að ganga í ESB eru svik við þjóðina og Stjórnarskrábropt sem heita landráð. Varðar allt að æfilöngu fangelsi. Mín vegna mætti það vera dauðadómur.

[Óskar Arnórsson, 19.4.2009 kl. 08:38]

Já, gleymdi að þakka fyrir góðan pistil á alvöru íslensku.

[Óskar Arnórsson, 19.4.2009 kl. 09:02]

Ertu að tala til pistlahöfundar eða til mín corvus corax?

[Loftur Altice Þorsteinsson, 19.4.2009 kl. 10:06]

Ég kastaði út posti frá corvus corax, sem ekki hefur dug til að viðra larfa sína undir nafni.

[Óskar Arnórsson, 19.4.2009 kl. 11:34]

Ég get nú alveg verið ruddi í í orðum. Enn ég vil koma undir fullu nafni og mynd. Fólk á að sína sig og nafngreeina sig þegar það bloggar. 'eg get líka beðist afsökunar ef ég er að fara með einhverja þvælu.

Gott hjá þér Loftur. Einu manneskjurnar sem ég hef lokað á eru nafleysingjar sem voru með svívirðingar um látinn yngri bróður minn sem gerði margt sem er ekkert að ver stoltur yfir....

[Jón Halldór Eiríksson, 19.4.2009 kl. 12:16]

"Það sem að þig vantar Hjálmtýr er HJARTA. Þú virðist ekki skilja, að tilfinningar sé gild ástæða til að hafa ákveðna skoðun. Er hægt að vera nær jörðinni (fósturjörðinni) en að láta tilfinningar ráða ? Frekar vil ég vera fátækur Íslendingur, en feitt Evrópu-svín."

Nákvæmlega!!  Þetta hef ég lengi sagt að afstaða þeirra sem eru hvað harðast á móti ESB stjórnast af tilfinningum en ekki rökum.   Svona svipað og þeir hinu sömu sem eru hvað harðast á móti ESB gætu sagt að afstaða náttúruverndarsinna byggist á... Tilfinningum en ekki skynsemi!

En málið er að Loftur hefur rétt fyrir sér!  Hann getur byggt afstöðu sína á bók eftir Kiljan ef ekki lætur betur.. eða bara hverju sem er.   Eða bara tilfinningu sinni.

Þess vegna segi ég.   Við hvað eru ESB - Andstæðingar hræddir?    Af hverju má ekki þjóðin gera upp hug sinn í þjóðaratkvæðagreisðlu?   Er ekki meiri líkur en minni að meirihluta þjóðarinnar líður eins og þeim?   Norðmenn eru búnir að fella aðildarumsókn tvisvar....  segi aftur .. tvisvar!

En við þig Loftur vill ég segja.    Þú villt ekki að þú sért kallaður landráðamaður með sömu mótrökum og þú hatar svo mikið og eru notuð til að rökstyðja inngöngu í ESB.   Svo láttu af slíkum upphrópunum.   Ekki málstað þínum til framdráttar.    Þú villt ekki heldur vera kallaður hjartalaus.   Því þér finnst þú hafa ástríðu fyrir skoðunum þínum.    Hvað með þá sem eru á öndverðri skoðun og finnst þeir hafa sömu ástríðu fyrir sínum skoðunum?   Hafa þeir ekki hjarta líkt og þú?

[Óskar Arnórsson, 19.4.2009 kl. 13:08]

Þannig byrja ESB sinnarnir: Breyta heilbrigðri skynsemi í "hatur heift og brjálæði" eins og þessu Einar Hansson orðar það. Þvílík smábarnarök.

Jón Arason var hálshöggvinn ásamt sonum sínum tveimur og var af Tröllatunguætt eins og ég. Ættfræði Tröllatunguættarinnar sem er 5 bindi, byrja einmitt á þessu atviki.

Hvernig blandast Jón Arasonn stendauður og hauslaus inn í þessa ESB umræðu? Geturðu útskýrt það eitthvað nánar Einar?

[Hannes Friðriksson , 19.4.2009 kl. 13:14]

Ja það er ljóst að þessi færsla hjá þér segir meira um mannin sem skrifar, en efnið sem um ræðir. Hélt að slikir menn fyndust hér ekki á meðal vor

[Óskar Arnórsson, 19.4.2009 kl. 13:32]

Hannes Friðriksson..

[Snæbjörn Björnsson Birnir, 19.4.2009 kl. 13:54]

Það kemur mér alltaf jafn mikið á óvart, hve mikið hatur er leyst úr læðingi í umræðum um ESB. Þó ég sé ekki "ESB sinni", þá finnst mér það heldur óþroskað að kalla nær helming þjóðarinnar fyrir "landráðamenn". Er það nú ekki sérlega vænlegt til sátta í þjóðfélaginu.

[Offari, 19.4.2009 kl. 15:16]

Sæll Loftur. Ég er þér sammála að vilja ekki að Ísland gangi í Esb. Átæðan er aðalega sú reynsla sem hefur orðið á sameiningum Útgerðarfyrirtækja og Sveitarfélaga. Gylliboðin hafa verið svipuð hagkvæmni stærðarinar hefur yfirleitt endað með því að stórir gleypa litla.

 

Ég er hinsvegar lítið hrifin af því að kalla Evrópu sinna landráðsmenn.  Ég var meðal annars einn af þeim sem hreifst velgengni útrásarvíkingana sem settu þjóðina á höfuðið svo vart er mér fært að segja Esb sinna landráðsmenn, því ég tel þá trúa þeim gylliboðum sem í þá hefur verið matað.

 

[Óskar Arnórsson, 19.4.2009 kl. 15:22]

Lestu bara Stjórnarskrá Íslands Snæbjörn minn! Þetta stendur allt þar. Ég hef búið í Svíþjóð og fylgst vel með hvernig gott land hrundi vegna inngöngu í ESB.

Það er ekkert verið að tala um hatur á einu eða neinu. Bara staðreyndir sem megnið af íslensku þjóðinni vita ekki um hvernig ESB virkar í raunveruleikanum.

Samtök þeirra sem eru að berjast fyrir að komast úr ESB er orðin mjög stór. Svo borga Svíar hæstu meðlimagjöld af öllum löndum einhverja hluta vegna.

Velmegandi stór bændabúli í Norður Svíþjóð hafa lagst í eyði og lönd þeirra eru keypt fyrir slikk af þjóðverjum undir sumarbústaði.

Ég held nú að þeim takist nú að slíta sig úr þessum "Aðalsmannaklúbbi" og verða sjálfstæðir aftur með tímanum.

Svíar líta nú ekki á Íslendinga svona almennt sem sérlega þroskaða, sérstaklega á félagsmálasviði, heilbrigðisgeira, hvernig farið er með fatlaða, öryrkja, gamla og þar fram eftir götunum.

Hvað þá fjármálum Íslendinga. Þá hrista þeir bara hausinn. Enda voru þeir fyrstir til að vara við Íslendingum í fjármálum. Davíð Seðill ætlaði að stefna greiningardeild þessa banka sem stóð fyrir því.

Göran Person og Carl Bild lugu sænsku þjóinna inn í þessa ormagryfju sem ESB er. 

Kýr voru skotnar af færi úr lögreglubíl því bóndi vildi ekki setja ESB merki á eyrun á þeim sem dæmi um ruglið. Lapparnir nyrst í í Norður Svíþjóð taka ekki mark á einu einasta reglugerðarverki frá ESB. Og eru þeir Svíar.

Eftirlitsmenn ESB þora ekki þangað og skil ég það vel. 

[Ómar Bjarki Kristjánsson, 19.4.2009 kl. 16:52]

Já, góð samantekt þarna á linknum hjá Einari.

Það er ekki hægt annað en hlægja að vitleysunni sem margir hafa haldið fra viðvíkjandi ESB - sko í fullri alvöru.   Í sjálfu sér stórmerkilegt og sérstakt rannsóknarefni fyrir fræðimenn.

[Páll Jónsson, 19.4.2009 kl. 18:04]

Mikið finnst mér skemmtilegt að sjá að það virðist almennt viðurkennt skammaryrði að kalla hina og þessa hugmyndafræðina "trúarbrögð".

Enn betra er að þetta virðist vera uppáhaldsskammaryrði miðaldra hægrimanna, sem ég hafði (greinilega ranglega) talið mér trú um að væru oft nokkuð hallir undir kirkjur þessa lands.

Ekki kvarta ég. 

[Smári Jökull Jónsson, 19.4.2009 kl. 18:08]

Burtséð frá efni pistilsins, þar sem menn geta auðvitað rifist á málefnalegum nótum og verið sammála eða ósammála, þá finnst mér margt hérna vera afar ósmekklega orðað. Virðing fyrir annarra manna skoðunum er eitthvað sem þú þarft að temja þér, það er greinilegt.

Ósmekklegheit þín gerðu það allavega að verkum að ég hafði ekki mikinn á huga á að lesa lengra heldur en að kaflanum um afhausun og landráð.

[Óskar Arnórsson, 19.4.2009 kl. 18:58]

Að "afhausa" er meira symbólík enn að hann myndi gera nokkuð svoleiðis. Þetta er ágætis aðferð til að vekja athygli á jafn alvarlegu máli og og að einhverjir 'islenskir "Aðalsmenn" vilji komast inn í ESB ruglfélagið.

Menn með eitthvað vit ættu að skilja þetta.

Hér eru siðapostular sem eru móðgaðir yfir orðalagi og og vilja "málefnalegar umræður".

Ég persónulega kýs alvöru íslensku en blaður og bull, og ég tala nú ekki um þá sem misnota "málefnalega umræðu" til að fela sig á bakvið.

Það er tíska í dag hjá pólitíkusum að vera svo "málefnalegir" að maður veit ekkert hvað þeir eru að tala um.

Þeir eru orðnir þrautþjólfaðir í að tala heillengi án þess að segja nokkurn skapaðan hlut.

Þessi Smári Jökull er enn eitt dæmið yfir "orðasiðapostula" sem er hneykslaður eins og hann væri prestur eða eitthva álíka.

[Óskar Arnórsson, 19.4.2009 kl. 19:17]

Einar Hansson! Lestu þetta aftur!

"Afsakaðu Óskar, en var ekki Loftur að tala um að afhöfða ESB andstæðinga í þessari grein sinni?"

"Þú ferð með algjörlega rangt mál Karl, þegar þú fullyrðir að eina lausnin í peningamálunum sé innganga í Evrópusambandið. Þú vísar til óskilgreindra vitringa í peningamálum, þannig að þú hefur ekki hugsað málið sjálfur. Þar liggur raunar vandi flestra ESB-sinna, þeir hafa ekki hugsað málið en láta Evrópu-trúboðana segja sér fyrir verkum.

Við eigum miklu betri kosti en undirgefni undir ESB og upptöku Evru eftir 10-15 ár. Bezti kostur okkar í gjaldmiðilsmálum er "fastgengi undir stjórn Myntráðs". Ef þú hefur áhuga, getur þú fundið margar ritgerðir um það efni á blogginu mínu. "Fastgengi undir stjórn Myntráðs" getum við tekið upp strax og ef við veljum US Dollar sem stoðmynt, erum við strax komin með í notkun alþjóðlegan gjaldmiðil."

Bein tilvitnun úr kommenti hér að ofan frá Lofti. Hvernig ferðu af því að miskilja þetta eða pistilinn? Ef þú ert að reyna að snúa út úr umræðunni, verðuru að æfa þig betur í þeirri "list"! ;)

[Óskar Arnórsson, 19.4.2009 kl. 19:24]

..sá að þú Einar leiðréttir þetta lengra neðar. Svo þú líklegast skilur hvað Loftur á við. Ég er bara með GSM internet tengingu og það tekur langan tíma þetta blogg það sem ég er staðsettur í augnablikinu....

[Smári Jökull Jónsson, 19.4.2009 kl. 19:49]

Auðvitað veit ég að þetta er meira myndmál en nokkuð annað, það breytir því ekki að ósmekklegt er það - sama þó þú teljir það íslensku Óskar.

[Einar, 19.4.2009 kl. 21:19]

Ég hef uppgötvað svolítið alveg ótrúlegt... Les Loft reglulega, og hef orðið var við að því meira sem hann skrifar - því vitlausari verður hann (í upprunalegri merkingu þess orðs). Ætli þetta gildi um fleiri? Og plís - ég frábið mér öll andsvör um að vera ómálefnalegur. Mér má alveg finnast Loftur vitlaus líkt og maður sér greinilega að sé hanns viðhorf til allra ESB sinna þó svo að hann sé ekki maður til að segja það beint út.

[Snæbjörn Björnsson Birnir, 19.4.2009 kl. 21:41]

Óskar "minn", þú ert nú ekki sá einasti sem hefur búið í útlöndum. Ég hef sjálfur búið (í 30 ár) í bæði Danmörku og (og bý) í Noregi. Þetta rugl sem þú kemur með frá Svíþjóð er hálf mislukkað, en eins og ég hef sagt, þá er ég ekki ESB sinni, en líkar ekki ofstækið sem sumir (þar á meðal greinahöfundur) sýna í skrifum. Og hvort sem maður er með eða á móti, þá finnst mér algjört lágmark að segja hlutina eins og þeir eru og vera ekki að ljúga einhverri vitleysu, bara til að styðja sinn málstað.

[Óskar Arnórsson, 19.4.2009 kl. 23:04]

Jæja Snæbjörn! Hvaða rugl er það sem ég kem með frá Svíþjóð? Venjulegur Svíar allir með tölu sem ég þekki, og þeir eru margir eru andstæðingar ESB í dag, jafnvel þeir sem kusu ESB aðild á sínum tíma.

Ég sendi nú þetta lygaþvaður sem þú talar um beint heim til föðurhúsanna. Kondu með eitthvað konkret og talaðu ekki í gátum.

Þó þú kallir eitthvað ofstæki eða lýgi, breytir það ekki raunveruleikanum. ÖLL mín reynsla af ESB kemur frá Svíþjóð enn ekki auglýsingabæklingum. Þú talar um hatur og og lýsir það einna best dómgreind þinni.

Lestu Stjórnarskránna endurtek ég, þar er all svart á hvítu. Nema það sé allt tóm lýgi sem fjallar um hvað landráð sé og hvað ekki. Á ekkert skylt við hatur eða ofstæki. Það er bara þinn eigin hugarburður og fantasía.

Þetta fyrirlitningartal sem þú lýsir með orðunum "þú ert ekki sá einasti sem hefur búið í útlöndum" ska ég úskýra fyrir þér síðar. Ég bý í Svíþjóð núna og hef gert síðan 1988.  

[Óskar Arnórsson, 19.4.2009 kl. 23:20]

Smári! Það er aragrúi af svona siðatrúboði á blogginu. Íslenskufræðingarnir hræða alla útlendinga frá því að vera með í bloggheimum. Ég hef nákvæmlega engan áhuga á þessari s.k."siðfræði " þinni. Ég vil ekki skipta á minni mállýsku og þinni né annarra siðapostula. Ég lærði mína íslensku um boð í fiskibátum og togurum. Og sé enga þörf að breyta mínum talsmáta. 

[Pétur Sig, 20.4.2009 kl. 00:12]

Óskar, þar sem við höfum báðir verið á togurunum og étið uppælda hundsbotnlanga frá hinum ýmsustu skítkokkum langar mig að benda þér á að:

1. Ísland er farið á hausinn.

2. Ekki Svíþjóð (sem er í ESB og er að fara að taka upp Evru).

3. Hér á Íslandi eru 20%+ vextir en ekki í ESB og Svíþjóð.

4. Matvara er hér á Íslandi, sem þú vilt ekki búa á amk. 30% dýrari en í löndum ESB.

5. Við hvað ertu hræddur?

6. Kvótakerfið í óbreyttri mynd er að leggja sjávarbyggðir Íslands í rúst. Ég legg til að þú skreppir á Stöðvarfjörð og skoðir þar atvinnulífið. Ferðalagið verður langt en verkefnið tekur um 3 og 1/2 mínútu....

7. Af hverju ert þú í Svíþjóð ef ESB er sem helvíti?

8. Getur verið að þú sért á móti öllu?

9. Það að segja að á Íslandi verði 30% atvinnuleysi vegna aðildar að ESB er eins og að segja að hér hækki meðalhiti um 10°C af sömu ástæðu.

10. Íslendingar eiga að kunna Íslensku, það er lágmarkskrafa. Annars eru þeir sem hvert annað ESB pakk..

[Óskar Arnórsson, 20.4.2009 kl. 05:50]

Ég vinn þannig vinnu að það er betra fyrir mig að vera í Svíþjóð vegna launa. Í öðr lagi eru öll mín 6 börn þar og ekki á Íslandi. Svíar geta tekið upp evru nákvæmlega eins og Íslendingar og hefur það ekkert með aðild að ESB að gera.

Ég og og konan mín höfum passað bel upp á það að engin þeirra talar eða skrifar íslensku. Áður enn Ísland tekur upp evru, sem það hefur ekki efni á sem stendur, ættu þeit að breyta um mállýsku.

Taka upp eitthvað norðurlandamál eða ensku og setja íslensku á Þjóðmynnjasafnið eins og Hávamál. Það brýtur þá einangrun sem íslenskt samfélag eru þrælar í.

Nei ég er ekki á móti öllu. Ég hef t.d. ekkert á móti þér ef þú heldur það. Enn það gæti verið að viuð hefðum ekki sömu skoðanir á mörgum hlutum.

Hehe..ég er ekki hræddur við neitt sem ég veit um.

Sammála þér um að kvótakerfið er algjör glæpamennska gagnvart landsbyggðinni og sjómönnum. Svo er nú reyndar búið að dæma það ólöglegt, enn það ta sægreifarnir ekkert mark á með stuðningi allra flokka.

Svíar eiga eftir að ganga úr ESB ásamt fleiri löndum. Nema ESB hrynji áður. Það eru þegar komnir alvarlegir brestir í það.

Ég myndi vilja búa á Íslandi, er fæddur þar og uppalin, enn það er bara of mikið af "íslendingum" þar ...

PS. Ekki blanda saman atvinnuleysi og meðalhita, frekar enn aðild að ESB og upptöku á öðrum gjaldmiðli. Þarf ekkert endilega að vera Evra. Eru þessi svör nógu skýr? 

[Ágúst H Bjarnason, 20.4.2009 kl. 07:14]

Það er full ástæða til að ræða þessi mál æsingalaust. Sjálfur hef ég ekki gert upp hug minn, en fannst ástæða til að vísa á grein Dr. Benedikts Jóhannessonar í bloggi mínu Evrópusambandið: Að hrökkva eða stökkva.

Benedikt varar þar við "seinna hruni" og varpar fram spurningunni:  "Hvað gerist ef þjóðin sækir ekki um aðild að Evrópusambandinu?"

Hann svarar síðan:

   1.  Stórfyrirtæki flytja höfuðstöðvar sínar úr landi

   2.  Útlendingar þora ekki að fjárfesta á Íslandi

   3.  Fáir vilja lána Íslendingum peninga

   4.  Þeir sem vilja lána þjóðinni gera það gegn okurvöxtum

   5.  Atvinnuleysi, vaxtaokur og gjaldþrot verða viðvarandi

   6.  Þjóðin missir af Evrópulestinni næstu tíu ár

   7.  Íslendingar verða áfram fátæk þjóð í hafti

Þar sem ég hef ekki gert upp hug minn, en veit að Benedikt er vandaður og víðsýnn maður, vildi ég gjarnan fá rök fyrir því ef þessar fullyrðingar eru rangar. Lið fyrir lið.

[Óskar Arnórsson, 20.4.2009 kl. 08:55]

Vísaðu mér á þessa grein eða pistill Ágúst. Mig langar að lesa hann áður enn ég svara þér. Það er fljótlegra að fara beint inn á þessa síðu þína enn að leita að henni með þessu hægfara interneti sem ég er með akkúrat núna. Svo skal ég svara þessu "æsingialaust". Skil ekki að vera svona krítiserað'ur hvernig ég skrifa? Ég skrifa ekki til að þóknast neinum öðrum.

[Ágúst H Bjarnason, 20.4.2009 kl. 09:39]

Sæll Óskar.

Ég birti greinina í heild á bloggsíðunni Evrópusambandið: Að hrökkva eða stökkva.

Ég tók ekki afstöðu en skrifaði:

Vonandi verður grein Benedikts til þess að farið verði að ræða málin af alvöru. Það er ekki seinna vænna, hver sem niðurstaðan verður... Er svar Benedikts við spurningunni "Hvað gerist ef þjóðin sækir ekki um aðild að Evrópusambandinu?" rétt?

Til þess að menn geti tekið afstöðu er nauðsynlegt að vita afdráttarlaust um kosti þess og galla að sækja um aðild.

[Óskar Arnórsson, 20.4.2009 kl. 11:02]

Sendu mér vefslóðinina sjálfa, því það virkar ekki hjá hjá mér að clikka á þetta svartaletraða..

Þegiðu nú Einar Hansen meðan ég er að reyna að lesa þessi vísindi sem Ágúst er að benda á. Geturðu það?

[Óskar Arnórsson, 20.4.2009 kl. 11:08]

Margir Svíar vilja evru Fleiri Svíar eru nú fylgjandi evru en á móti henni. Í skoðanakönnun SIFO-stofnunarinnar sögðust 47% myndu samþykkja að taka upp evru sem gjaldmiðil ef þjóðaratkvæðagreiðsla væri haldin nú. Um 45% segðu nei. Andstaðan við evru er mest í norðurhluta landsins en minnst syðst. Konur eru meira á mótu evru en karlar. Í könnun sem gerð var í desember voru 48% á móti evru, 44% fylgjandi. Síðan hefur gengi sænsku krónunnar gagnvart evru fallið talsvert. Í könnun fyrir rúmu ári var aðeins rétt rúmur þriðjungur fylgjandi evrunni. Upptaka evru var felld í þjóðaratkvæðagreiðslu í Svþjóð árið 2003 með 14% mun.

Ég er er hissa að Norður Svíar vilji ekki evru því þeir tengja hana beint við ESB. Sem er sama og samþykkja að vera í ESB sem megnið af þeim vill ekki. Marklaus skoðannakönnunn eins og margar aðrar.

Ágúst! Mig vantar slóðinna í þessu formi svo ég geti lesið hana.

[Ágúst H Bjarnason, 20.4.2009 kl. 12:00]

Óskar: http://agbjarn.blog.is/blog/agbjarn/entry/856654

[Ágúst H Bjarnason, 20.4.2009 kl. 12:05]

Greinina má jafnvel sækja sem pdf skjal hér: http://agbjarn.blog.is/users/fa/agbjarn/files/benedikt_johannsson.pdf

[Ágúst H Bjarnason, 20.4.2009 kl. 12:34]

Horfa má á viðtalið við Benedikt Jóhannesson í Silfri Egils á vefsíðu Láru Hönnu hér: http://larahanna.blog.is/blog/larahanna/entry/857783/

[Óskar Arnórsson, 20.4.2009 kl. 13:19]

Þvílík þvæla og endemis rugl í þessum Benidikt! Í fyrstalagi gefur hann í skyn að evra sé eina útgönguleiðin úr skuldum þjóðfélagssins og í öðru lagi ruglar hann saman upptöku á öðrum gjaldeyri á Íslandi og að sellja Ísland til ESB.

Þetta er þýtt og endursagtt beint úr þvælunni sem Svíar voru plataðir með. Ekkert sem ég hef ekki heyrt áður, bara á sænsku í staðin fyrir Íslensku.

Fólk sem er tilbúið að afsala sjálfstæði Íslands með inngöngu í ESB eru LANDRÁÐAMENN!!!

Seljiði frekar Japönum Ísland. Þeir gerðu einu sinnu mjög gott tilboð í Færeyjar fyrir mörgum árum þegar allir bankar og fjárhagur þeirra voru í sömu stöðu og Ísland er núna.

Þvílik skelfing er að lesa þessa bullgrein! 

[Óskar Arnórsson, 20.4.2009 kl. 14:00]

ESB semja ekki! Þeir skipa fyrir..

[Ómar Bjarki Kristjánsson, 20.4.2009 kl. 15:17]

Já, eg veit afhverju þessi ofsahæðsla er eða afhverju svo auðvelt er vekja hana upp hjá sumum íslendingum.

Ástæðan er söguskoðunin sem var innprentuð í fólk mest alla síðustu öld (og líklega að einhverju leiti enn)

Sögutúlkunin var þannig, að upphafi var Gullöld og allt rosalega gott á íslandi.  "Sjálfstætt" og þeir báru eiginlega af öllum mönnum í heiminum bara á þeim dögum.

Nú, hvað gerist ?  Jú jú, það komu rosa vondir útlendingar og eyðilögðu allt og frabæru íslendingarnir voru svaka fátækir í margar aldir.

Útlendingarnir voru meir að segja svo vondir að þeir seldu íslendingum maðkað mjöl !

Þegar skólakerfið prentar þetta inní kynslóð eftir kynslóð - þá auðvitað hefur það sýnar afleiðingar.

Svo hjálpaði einangrunin til auðvitað.  Aldalöng einangrun og fásinni frá alfaraleiðum.  Hræðsla við það sem er hinum megin við ána etc.

[Kolbrún Hilmars, 20.4.2009 kl. 17:39]

Einar og Ómar. Þið eruð sammála því að ESB sé lausn allra vandamála. Ég get skilið Einar sem er hvort sem er búsettur í faðmi ESB og hefur það eflaust ágætt en get ekki áttað mig á afstöðu Ómars.

Til Einars beini ég aðeins einni spurningu: Hvaða hagsmuni hefur þú af því að þitt fæðingarland, sem þú yfirgafst fyrir einhverjum áratugum, gangi í ESB?

Til Ómars Bjarka, hverjir eru þínir hagsmunir; þú sem þraukar þó enn á "klakanum" þrátt fyrir moldarkofamenninguna og rándýrar kjúklingabringur?

[Kolbrún Hilmars, 20.4.2009 kl. 18:46]

Einar, þakka þér fyrir heiðarlegt svar. 

En við verðum seint sammála um hagsmunina, því við hér í norðurhöfum munum aldrei njóta sömu aðstöðu og þið á meginlandinu, ég þekki nógu vel til á þeim slóðum til þess að gera mér grein fyrir því. 

Við hér norðurfrá munum alltaf þurfa að hafa meira fyrir lífinu en þið.  Efnahagsruglið okkar gætum við leyst sjálf ef viljinn væri fyrir hendi en hnattstöðuna, úthafið sem skilur okkur að og veðráttuna fengi ESB aðild ekki breytt - jafnvel þótt vilji stæði til.

[Ómar Bjarki Kristjánsson, 20.4.2009 kl. 19:47]

Kolbrún, þetta er stóra myndin sjáðu.  Heildardæmið.  Eg eða mín persóna og hagsmunir eru í sjálfu sér aukaatriði.

Við erum að tala um framtíð Íslands og þeirra sem þar búa.  

Framtíð landsins er best borgið innan ESB.

Þú segir eg þrauki hér þrátt fyrir moldakofa og kjúklingabringur o.s.frv.

Sjáðu til, ræturnar sko. Römm er sú taug o.s.frv, þar sem brimaldan brotnar etc.  Ísland er í eðli sínu að mörgu leiti magnað land.

Það er reyndar ekkert langt síðan að fólk bjó í moldarkofum á Íslandi.  Eg hugsa að slíkir bústaðir geti verið sæmilegir ef menn kunna réttu aðferðirnar við að búa í slíkum híbýlum.  En sá tími er bara liðinn.  Við höfum fyrir lögnu yfirgefið þann tíma.  Ef við gerum ekki þegar eitthvað róttækt í okkar málum þá gæti orðið hér stór afturför.  Fólk færi etv ekki að búa í moldarkofum heldur kannski í pappakössum.

Heldurðu að unga fólkið undu sætta sig við að Ísland dragist afturúr nágrannaríkjum sínum að öllu leiti ?  Þó kannski við eldra fólkið mundum þola það.  Heldurðu að unga fólkið muni fara að þeyta rokkinn og dansa vikivaka ? Eh,  held ekki !  Það mun forða sér.  Við gætum séð framá fáheyrðan fólksflótta hjá blóma þjóðarinnar.

Nú, því hefur verið haldið að fólki nokkuð stíft undanfarin ár að ESB sé nánast hinn mikli Satan.  Allt rangt.  Allt trölla og hræðslusögur.  Fólki hefur ekki verið sagt rétt frá ESB.  Mér blöskrar það og finnst óskiljanlegt.   Að sjálfsögðu stígum við það framfaraskref að gerast aðilar að ESB eins og flest nágrannaríki okkar, frændur og vinir.  Myndum þannig traustan grunn og vinnum okkur útúr vandræðunum hægt en örugglega.

Í viðræðum verðum við sérstaklega að gæta að landbúnaðarmálum.  Tryggja hag bænda sem best.  Ódýrar kjúklingabringur er ekkert endilega málið heldur verður að tryggja þokkalega stöðu innanlandsframleiðslu á flestum landbúnaðarvörum. 

[Kolbrún Hilmars, 20.4.2009 kl. 19:57]

Einar, vertu bara velkominn heim!

Við sitjum jú ennþá uppi með EES samninginn með allt sitt frjálsa flæði og þótt bæði við og ESB séum í innanhúss krísum þá er íslenskt atvinnulíf enn með full réttindi á við aðildarríki ESB. :)

[Kolbrún Hilmars, 20.4.2009 kl. 20:16]

Þakka þér líka, Ómar Bjarki, fyrir að svara spurningunni minni.

Þótt mér sýnist að við séum - þrátt fyrir allt - sammála um það sem skiptir mestu máli, ætla ég aðeins að leggja út af svarinu þínu hvað snertir unga fólkið.

Unga fólkið okkar þarf ekki að "sætta sig við" neitt. Það hefur valkosti, líkt og jafnaldrar mínir þegar ég sjálf var ung. Ég á marga góða vini erlendis sem aldrei snéru heim eftir nám, líka aðra sem komu heim en fóru aftur.

En allt það er engin afsökun fyrir því að gefast upp á því að halda hér úti sjálfstæðri þjóð og lýðveldi. Jafnvel þótt við teljum ekki rétt nema um 300 þúsund sálir. Við sem kusum að þrauka hér (þrátt fyrir allt) höfum lært ýmislegt á langri ævi og það er ástæðan fyrir því að ég sjálf er mótfallin uppgjöf og ESB aðild.

Við erum nefnilega máttugri en sumir reyna að telja okkur trú um að við séum. :)

[Ómar Bjarki Kristjánsson, 20.4.2009 kl. 20:34]

Kolbrún, "En allt það er engin afsökun fyrir því að gefast upp á því að halda hér úti sjálfstæðri þjóð og lýðveldi" segir þú.

Sko, þetta er nú málið.  Við erum ekkert að því með aðild að ESB.  Sjáðu Danmörk og Svíþjóð.  Eru þau eitthvað minna sjálfstæð en Ísland ? Auðvitað ekki.  Þetta er bara þróun í nútímanum að taka þát í alþjóðlegu samstarfi ýmiskonar, einmitt til að tryggja og auka sjálfstæði sitt.

Nú er ég að hlusta á sunnlendinga sem eru í framboði á RUV.  Hvað heyri ég ? Framsóknarmaður og Frjálslyndur talandi um að ESB vilji hirða auðlindir bla bla.  Halló !   Hvernig stendur á þessu.  Hvernig geta svona menn verið að bjóða sig fram til alþingis.  Skil það ekki.  ESB gengur ekkert útá að "stela auðlindum af Íslandi"  eða eitthvað álíka.  Það er bara ótrúlegt að hlusta á þetta.  Ótrúlegt.  Eg á bara ekki orð.

[Kolbrún Hilmars, 20.4.2009 kl. 20:53]

Einar, því miður hef ég ekki atvinnutilboð á takteinum fyrir þig rétt í augnablikinu :) Get ekki annað en lofað því að veðráttan myndi ekki standa í vegi fyrir góðum vinnuafköstum.

Ég þekki Ómar Bjarka heldur ekki persónulega en er sammála um að mörg af hans skrifum eru skynsamleg - þó ekki öll.

Kjör almennings og kaupmáttur er okkar sjálfra að skapa og það þýðir ekki að þykjast vera stikkfrí í laugardagskosningunum.

Verst að ég er "úr leik" ásamt mínum félögum og hvorki get né vil benda fólki á aðra kosti...

[Pétur Sig, 21.4.2009 kl. 00:57]

Ég fór nú að rannsaka aðeins málin og komst að því að hann Einar Hansson er víst alveg stórsnjall vísindamaður í hátækni iðnaði, það að ryðga eilítið í móðurmálinu er ekki stórmál. Hitt er verra mál að hafa aldrei getað lært það.

Segðu mér nú Kolbrún hvaða hagsmuni hefur þú persónulega af því að standa utan ESB? 

Ég veit að bændur á Íslandi geta ekki haft það verra og að sjávarbyggðirnar eru allar dauðar eða að deyja vegna vonds kvótakerfis sem reyndar breytist ekki endilega við inngöngu í ESB.

Í minni atvinnugrein sem er ferðaþjónusta er ekki hægt að búa við þessa óvissu í gjaldeyrismálum. Það er ekki hægt að búa til viðskiptaáætlun nema kannski til einnar viku í einu vegna þess að gengið hækkar og lækkar liggur við eftir vindáttinni.

[Pétur Guðmundur Ingimarsson, 21.4.2009 kl. 02:57]

Einar Hansson: Einokunarverslunin var lögð niður árið 1787.

Jón Sigurðsson forseti fæddist árið 1811.